Qubadlı Rayon Nümayəndəliyində I Qarabağ müharibəsi şəhidi Əbülfəz Mehdiyevin anım günü keçirilib. Tədbirdə Qubadlı Rayon İcra Hakimiyyəti başçısının müavini Allahverdi Haqverdiyev və digər məsul işçilər, YAP-nın Qubadlı Rayon Təşkilatının sədri Təhmasib Rüstəmov, şəhidin ailə üzvləri, rayon ictimaiyyəti iştirak ediblər. Aparıcı şəhidin keçdiyi şərəfli həyat yolu haqqında geniş məlumat verib, vətənimizin azadlığı uğrunda canlarından keçən bütün şəhidlərin əziz xatirəsi bir dəqiqəlik sükutla yad edilib. Çıxış edənlər arasında şəhidin əmisi oğlu "Qarabağ” ordenli, Şuşa fatehi Ehtiram Məmmədov, döyüş yoldaşları Xudayət, Muxtar, Vüqar müəllim şəhid haqqında öz fikirlərini, xatirələrini bölüşüblər.
Tədbir V.Əliyev adına Rayon Mədəniyyət evi və Mahmudlu kənd Mədəniyyət evinin, eləcə də şəhid Ə.Mehdiyevin adını daşıdığı Qubadlı şəhər Uşaq Musiqi Məktəbinin hazırladığı ədəbi bədii kompozisiya, şeirlər, muğam parçaları ilə davam edib.
Sonda şəhidin xalası çıxış edərək Ölkə Başçısına eləcə də Qubadlı Rayon İcra Hakimiyyətinin başçısı cənab Malik İsaqova və tədbirin ərsəyə gəlməsində əməyi keçən hər kəsə təşəkkür edib.
Xəbərdən istifadə edərkən istinad etmək vacibdir.
