Xeberle.com xəbər verir ki, İqtisadiyyat və Sənaye Nazirliyi yanında Antiinhisar Siyasəti və İstehlakçıların Hüquqlarının Müdafiəsi Dövlət Xidməti tərəfindən keçirilən növbəti monitorinqlər zamanı Nizami küçəsi, 3/54 ünvanında Mikayıl Məmmədova məxsus "Osmanlı" kafesində, 20 Yanvar və N.Nərimanov küçələrinin kəsişməsində Murad Bağırova məxsus "Bibər Pizza" restoranında və 34-cü məhəllə, 50 ünvanında İlkin Məmmədliyə məxsus "Street Food" kafesində saxlama müddəti ötmüş və normativ- texniki sənədlərin tələblərinə uyğun olmayan mallar, eləcə də 16-cı məhəllə, 43/4 ünvanında Təzəgül Həsənovaya məxsus mağazada saxlama müddəti ötmüş malların satıldığı aşkarlanıb.
Qanun pozuntusuna yol vermiş şəxslər barəsində Azərbaycan Respublikasının İnzibati Xətalar Məcəlləsinə uyğun olaraq inzibati cərimələr tətbiq olunacaqdır.
İstehlakçılardan istifadə müddəti ötmüş, keyfiyyətsiz malların satışı halları ilə rastlaşdıqda, 498-15-01 və 498-15-04 nömrəli telefonlarla Antiinhisar Siyasəti və İstehlakçıların Hüquqlarının Müdafiəsi Dövlət Xidməti və İqtisadiyyat və Sənaye Nazirliyinin 195-2 Telefon Məlumat Mərkəzinə məlumat vermələri xahiş olunur.
Xeberle.com