Sumqayıt Regional Mədəniyyət İdarəsinin nəznində fəaliyyət göstərən, Nəriman Nərimanov adına Mədəniyyət Mərkəzinin "Dostluq” Mədəniyyət evinin təşkilatçılığı ilə, Sumqayıt Poeziya evində Narkomaniya ilə mübarizə məqsədiylə "Narkomaniya qara ölümdür, ona hamılıqla yox deyib, mübarizə aparaq” adlı mühazirə təşkil edib. Tədbirdə əvvəlcə mədəniyyət evinin direktor vəzifəsini müvəqqəti icra edən Gülnar Məmmədova iştirakçıları salamlayıb və sözü Azərbaycan Respublikasının Vəkillər Kollegiyasının üzvü, Sumqayıt şəhər Regional Vəkillər Bürosunun vəkili Ruslan Mustafazadəyə verib. Vəkil ümumilikdə Respublika üzrə narkotik vasitə istifadəçilərinə hüquqi və psixoloji yardım metodlarından söhbət açaraq geniş məlumat verib.

Sonra Regional Sosial Təşəbbüslərə Dəstək İctimai Birliyinin sədri, Narkomaniya üzrə ekspert Emil Maqalov insan cəmiyyətinin mənəvi və əxlaqi dəyərlərinə ciddi zərbə vuran, sosial-iqtisadi inkişafa mənfi təsir göstərən, insanların həyat və sağlamlığına böyük təhlükə yaradan, həmçinin cinayətkarlığın artmasına səbəb olan bu bəlanın fəsadlarından danışaraq gənclərə məsləhət və tövsiyələrini verib. Qadın Təşşəbüsü və Sosial Problemlərin Həllinə Yardım İctimai Birliyinin rəhbəri Zemfira Mustafayeva və Sumqayıt şəhər Qadın Resurs Mərkəzinin koordinatoru Günel Ələkbərova da öz növbəsində iş təcrübəsində rastlaşdığları ailələrdə narkomaniyanın yaratdığı acınacaqlı durumlardan söhbət açaraq tövsiyyələrini bildiriblər. Sonda tədbir iştirakçılarının sualları cavablandırılıb.