Rusiyanın məşhur "İzvestia" qəzetinin bugünkü sayında tanınmış siyasətçi Boris Nemtsovun ölümündə yeni verisiyalar olması barədə sensassion məlumatlar dərc edilib.
Qəzetdə bildirilir ki, Nemtsovun ölümünü araşdıran istintaq briqadası onun qətlində Ukrayna izinin olduğunu istisna etmir. Ukrayna xüsusi xidmət orqanlarının sifarişi ilə qətlə yetirildiyi iddia edilən Nemtsovun ölümünü isə Cövhər Dudayev adına çeçen batalyonunun təşkil etdiyi qeyd edilir. Məqalədə vurğulanır ki, 2014-də yaradılan Cövhər Dudayev adına batalyonun qurucusu, həmçinin Donbasda Ukrayna silahlıları tərəfindən vuruşan çeçen əsilli İsa Munayev bu il fevralın 1-də döyüşlərdə öldürülüb. Çeçen döyüşçüləri isə Ukraynanın sifarişini yerinə yetirməklə yanaşı öz komandirlərinin qisasını da almış olublar. Ən maraqlısı isə Munayevin yaratdığı və terrorçuları maliyyələşdirməkdə ittiham olunan "Azad Qafqaz” hərəkatının tərkibində azərbaycanlı polkovnikin də adınının çəkilməsidir. Belə ki, batalyonun qərargah rəisinin Azərbaycan müdafiə nazirinin sabiq müavini olmuş və hazırda axtarışda olan İsa Sadıqov olduğu qeyd edilir.
Sözügedən iddia ilə bağlı Faktxeber.com-a açıqlama verən İsa Sadıqov bildirdi ki, belə xəbərləri ciddi qəbul etmir: "Əgər belə bir məlumat yayıblarsa, deməli Boris Nemtsovun qatilləri tapılmayacaq. Necə ki, Litvinenkonun, Estemirovanın, Maqnitskinin, Listyevin, Polotkovskayanin qatilləri tapılmadı. Və bu qətllər Putin hakimiyətdə olarkən baş verib, deməli, sifaris verən də, icra edən də onlardır."
- Bəs sizin çeçen əsilli İsa Munayevlə əlaqələriniz olubmu?
- Onunla bir dədə 2014-cü ilin fevral ayında əlaqəm olub.
- Əlaqə deyərkən?...
- Telefon söhbətim. Vəssalam, artıq onunla heç bir əlaqəm olmayıb.
- Əgər bu şəxslə danışığınız olubsa, onda "Azad Qafqaz" barədə də məlumatlısınız?
- Sözün düzü, eşitmişəm.
- Bəs onda Munayevlə əlaqələriniz necə yaranıb? Təsadüfən olab bilməzdi ki?
- Təsadüfən. Xaricdə, demak olar ki, hamı bir-birini tanıyır, tədbirlərdə olurlar, kimsə kimdənsə danışır.
- Və siz də bu təsadüflərin birində Munayevlə tanış olmusuz?
- Bəli, qiyabi, sonra isa telefon zəngi olub.
- Maraqlıdır, Rusiya hakimiyyətinə yaxınlığı olan bir mediada İsa Munayevlə bağlı analiz dərc olunur və həmin yazıda da İsa Sadıqovun adı çəkilir. Hər bir azərbaycanlı və eləcə də siz üçün qəribə deyilmi? Niyə tutaq ki, İsa Qəmbərin yox, məhz İsa Sadıqovun?
- Görünür bu ad daha çox xoşlarına gəlib. Ruslar tərəfindən ukraynlara qarşı serblər, ermənilər, çeçenlər, osetinlər döyüşlər. Və belə halda ruslar ukraynalılara böhtan atmalı idilər. Xarici "qüvvələr" axtarışında məni tapıblar. Deməli belə sərf edib, ona görə də yazıblar.
- Amma etiraf edək ki, Rusiya kəşfiyyatının əli çox uzundur və bu əllər sizin əlaqələriniz və telefon danışıqlarınızdan məlumatlıdır.
- Belə bir məlumatları ola bilməz, ona görə ki, əlaqələr olmayıb.
- Amma telefon danışığının dinlənməsi son zamanlar geniş yayılıb.
- Sizə uğurlar, xanım, görürəm məndən narahatsınız, dəyməz.
- Əgər sirr deyilsə, sadəcə bir görüşdən sonra telefonda Munayevlə nədən danışmısınız?
- Əhvalımı soruşub.
- Belə çıxır ki, o sizə zəng vurubmuş?
- Bəli.
(interaztv.com)
Xəbərdən istifadə edərkən istinad etmək vacibdir.
