Sumqayıt şəhərindəki bir qisim yollarda vəziyyət heç də yaxşı deyil.
Bu barədə şəhər sakinləri ANS PRESS-in "Qaynar xətti”nə şikayət ediblər. Sakinlərin sözlərinə görə, şəhərdə yollar çox bərbad vəziyyətdədir. Bəzi yerlərdə çatlar böyüyərək iri çalalar, quyular formasına düşüb. İş yerə çatıb ki, həmin yerlərdə yaşayan insanlar evlərini satıb oradan köçməyə məcbur olurlar. Şikayətçilər deyirlər ki, yollların bərbad vəziyyətdə olması ucbatından təcili yardım və yanğınsöndürən maşınları lazımi ünvana vaxtında çata bilmirlər. Sərnişin avtobusun sürücüləri isə maşın sürməkdən imtina edirlər. Sakinlər deyirlər ki, dəfələrlə bu barədə Sumqayıt şəhər İcra Hakimiyyətinə şikayətlər ediblər. Lakin onların səsinə səs verən olmayıb. Məsələyə aydınlıq gətirmək üçün Sumqayıt şəhər İcra Hakimiyyətilə əlaqə saxladıq. Qurumun mətbuat xidmətindən sözügedən məsələ ilə bağlı İcra Hakimiyyətinin iqtisadi məsələlər üzrə şöbə müdiri Abid Əliyevlə əlaqə saxlamağı məsləhət bildilər. Lakin Abid Əliyevlə əlaqə saxlaya bilmədik.
Xeberle.com

P.S. ANS PRESS agentliyinə bu materiala görə xüsusi təşəkkür edirik. Qeyd edək ki, artıq bir neçə gündür ki, Xeberle.com bu haqda geniş bir fotoreportaj hazırlamaqdadır. Bizi izləyin.