Son günlərdə qida sektorunda arxa-arxaya gələn mənfi xəbərlər, istehlakçıların narahatlığına səbəb olur. Qida skandallarına çox az adamın bildiyi daha biri əlavə olunub.Bəzi məhsullarda "Cochineal" adlı böcəyin qanından istifadə edilir. Maddə əsasən dondurma, şokalad, tortlarda, kolbasa məhsularında, bəzi içkilərdə istifadə edilir. "Cochineal" adlı böcəkdən əldə edilən "karmin" adlı rəngləndirici maddə allergiya yaradır. İnsan üçün başqa hansı zərərlərinin olması hələ ki, məlum deyil. Üzərində olan etiketdən məhsulun tərkibini oxuyarkən E 120-Karmin maddəsinin adına rast gəlmək olar. Bu maddə böcəklərdən hazırlanır, rəng yaratmaq üçün istifadə olunur. E 120 maddəsi "koşineal”, "karminik turşu” və ya "həqiqi karmin” adları ilə yazılır.
Karmin maddəsi Meksika, Boliviya, Çili və Peru kimi ölkələrdə yetişən bir növ tikanlı kaktus bitkisinin üstündə yaşayan və elmi adı "dactylopius coccus” olan böcəyin yumurtaları və qurumuş qabıqlarının suda qaynadılması yolu ilə əldə olunur.
Belə ki, bu məhlul bir sıra kimyəvi əməliyyatlardan sonra qurudulur. Sonra alınmış kütlə üyüdülür, nəticədə E 120 maddəsi alınır. 140 min böcəkdən 1 kq boya (rəng) götürülür.
Özündə "Karmin" maddəsini ehtiva edən bəzi məhsullar aşağıdakılardır:
Danone, Coca-Cola, Pepsi, Algida, Unilever, P&G, Capy, Panda, Nestle, Kraft, Saqqızlar (Mentos, Vivident, Big babol,) və.s (bizimyol.info)
Xəbərdən istifadə edərkən istinad etmək vacibdir.
