2022-ci ilin yanvar-avqust ayları ərzində Ermənistan ordusunun 19 hərbi qulluqçusu qeyri-döyüş şəraitində ölüb.
Xeberle.com xəbər verir ki, bu barədə Ermənistan mətbuatı məlumat yayıb.
Ermənistan Baş Prokurorluğundakı mənbədən əldə edilən məlumata əsasən, 10 hərbçi xidmət zamanı, digərləri isə naməlum şəraitdə ölüb.
Məlumatda vurğulanıb ki, təkcə yanvar ayında Ermənistan ordusunun 4, fevralda isə 3 hərbçisi naməlum şəraitdə həyatını itirib. Digər itkilər növbəti aylarda qeydə alınıb. Lakin Ermənistanın rəsmi qurumları 19 hərbçinin ölüm səbəbi barədə indiyədək heç bir açıqlama verməyib.
Xəbərdən istifadə edərkən istinad etmək vacibdir.
