Bu gün Bakı Ağır Cinayətlər Məhkəməsində mənimsəmədə təqsirli bilinən Sumqayıt şəhər sakini Xanağa Məhərrəmovun cinayət işi məhkəmə prosesi başa çatıb.

Hakim Cavid Hüseynovun sədrliyi ilə keçirilən prosesdə hökm oxunub. Hakimlər kollegiyasının qərarı ilə X. Məhərrəmov 7 il 6 ay müddətinə azadlıqdan məhrum edilib.

Qeyd edək ki, Xanağa Məhərrəmov keçən il Sumqayıt Şəhər Polis İdarəsinin əməkdaşları tərəfindən saxlanılıb. O, Sumqayıtda müxtəlif profilli ərzaq malları istehsal edən sexdə satış meneceri vəzifəsində çalışıb. X. Məhərrəmov ayrı-ayrı müəssisələrə satış üçün təhvil məqsədilə ona etibar edilən 42 min manat pulu mənimsəyib.

Ona Cinayət Məcəlləsinin 179-ci (mənimsəmə) maddəsi ilə cinayət işi başlanıb. (Lent.az)