Azərbaycan Respublikası Gənclər və İdman Nazirliyinin təşəbbüsü, Sumqayıt şəhər Gənclər və İdman Baş İdarəsinin təşkilatçılığı ilə 10-16 yaş yeniyetmə və gənclər arasında növbəti tematik yay düşərgəsi təşkil edilmişdir.
Düşərgənin keçirilməsində məqsəd 44 günlük Vətən müharibəsinin gənclər arasında təbliği, uşaq-yeniyetmələrin bilik və bacarıqlarının inkişafına dəstək, eləcə də onların asudə vaxtlarının səmərəli təşkili və hərtərəfli inkişafını təmin etməkdir.
Düşərgə proqramı çərçivəsində "Şuşa, sən azadsan!" sənədli film nümayişi, Vətən müharibəsi qazisi Bəhruz Bağıri ilə gənclərin görüşü keçirilmiş, üzgüçülük, basketbol, stolüstü tennis, boulinq idman növləri üzrə həvəskar yarışlar, ekskursiyalar, seminarlar, intellektual oyunlar təşkil edilmişdir.
Düşərgədə ümumilikdə 15 nəfər olmaqla şəhid və qazi övladları iştirak etmişlər.
Xəbərdən istifadə edərkən istinad etmək vacibdir.
