ARDNŞ-nin təlim mərkəzlərinə şagird qəbulu üzrə Qəbul Komissiyası tərəfindən Təlim, Tədris və Sertifikatlaşdırma İdarəsinin Sumqayıt Təlim, Tədris Mərkəzinə aparatçı, kompressor qurğularının maşinisti, nəzarət ölçü cihazları və avtomatika üzrə çilingər, elektrik avadanlığının təmiri və xidməti üzrə elektrik montyoru, elektrik qaz qaynaqçısı, təmirçi-çilingər, nasos qurğularının maşinisti ixtisasları üzrə sənəd qəbulu elan edilib.
Müsabiqədə yaşı 29-dan yuxarı olmayan, Sumqayıt və Abşeronda qeydiyyatı olan Azərbaycan Respublikası vətəndaşları və həmçinin həmin ərazilərdə müvəqqəti məskunlaşmış məcburi köçkün ailələrinin üzvləri, həqiqi hərbi xidmət keçmiş (oğlanlar üçün), minimum tam orta təhsilli ( ali və ümumi orta təhsilli gənclər müraciət edə bilməzlər) gənclər iştirak edə bilərlər. Sənəd qəbulu elektron formatda həyata keçirilir və müsabiqə 2 əsas mərhələdən – müsahibə və test imtahanından ibarətdir. Müraciət etmək istəyən şəxslər www.socar.az saytının ”Karyera” panelində Təlim Mərkəzinə sənəd qəbulu bölməsinə daxil olaraq elektron müraciət formasını doldurmalıdırlar. Müraciətlər iyulun 8-dək qəbul ediləcək. Qəbul proseduru və digər suallara [email protected] elektron poçt ünvanına müraciət etməklə cavab almaq mümkündür. (salamnews.org)

Xeberle.com