Tikinti aparılan ərazidəki ağaclar sayılaraq nəzarətə götürülüb
Xeberle.com xəbər verir ki, Sumqayıt şəhəri, 20 Yanvar küçəsində ağacların kəsilməsi ilə bağlı Dövlət Ekoloji Təhlükəsizlik Xidmətinə daxil olan şikayət araşdırılıb.
Ekologiya və Təbii Sərvətlər Nazirliyinin Mətbuat katibi İradə İbrahimova bildirib ki, sözügedən ünvana keçirilən baxış zamanı ərazidə "Sumpalace" MTK tərəfindən yaşayış binasının qarşısında avtodayanacaq yaradılması üçün işlərin aparıldığı, lakin ağac kəsintisi faktının olmadığı müəyyən edilib.
"Tikinti ətrafında olan ağaclar sayılaraq qeydiyyata alınıb və qorunub saxlanılması məqsədilə MTK-nın rəhbərliyinə təhvil verilib".
Xəbərdən istifadə edərkən istinad etmək vacibdir.
