AYB Sumqayıt bölməsi Poeziya evində Azərbaycan yazıçılarının növbəti - XIII qurultayına nümayəndələrin seçilməsi ilə bağlı toplantı keçirdi.
Öncə şəhidlərimizin ruhu bir dəqiqəlik sükutla yad edildi.
Toplantıda AYB- nin katibi İlqar Fəhmi iştirak edirdi.
AYB Sumqayıt bölməsi Məsləhət Məclisinin sədri Əşrəf Veysəlli tədbiri açıq elan edərək, gündəlik məsələlər haqqında məlumat verdi.
İclasın sədri Ofelya Babayeva,katibi isə Rəfiqə Şəms seçildi.
AYB Sumqayıt bölməsinin sədri Gülnarə Cəmaləddin bölmənin gördüyü işlər haqqında müfəssəl məlumat verdi.
İclasın sədri Ofelya Babayeva Məsləhət Məclisi tərəfindən XIII qurultaya təklif edilən namizədlərin siyahısını iclas iştirakçılarına təqdim etdi.İclasın sonunda səs çoxluğu ilə XIII qurultaya nümayəndələr seçildi.
Sonda AYB-nin katibi İlqar Fəhmi Sumqayıt bölməsinin fəaliyyətini yüksək dəyərləndirərək,işlərində uğurlar arzuladı və Azərbaycan yazıçılarının XIII qurultayına seçilən nümayəndələri təbrik etdi.
Xəbərdən istifadə edərkən istinad etmək vacibdir.
