Sumqayıt küçələrində qəza nəticəsində sıradan
çıxan işıq dirəkləri yenidən qurulur.
Bu barədə Xeberle.com-a açıqlamasında Sumqayıt Küçə İşıqları İdarəsinin rəis
müavini İlqar Mahmudov deyib. İ.
Mahmudov qeyd edib ki, şəhərin müxtəlif ərazilərində - Sahil küçəsində 3 müxtəlif
yerdə, Zülfü Hacıyev küçəsi ilə Niyazi küçəsinin kəsişməsində qəzalar nəticəsində
sıradan çıxan dirəklər yenidən qurulur: "Əsas iş isə, Sumqayıt Şəhər İcra Hakimiyyətinin qarşısında
(Nizami küçəsi ilə Azərbaycan küçəsinin kəsişməsi) işıqlı böyük körpü şəklində
olan dirək yenidən qurulur. İşıqların sıradan çıxan hissələri dəyişdirilir,
boyası yenilənir".
Rəis müavini bu il üçün yeni işlərin görülməsi üçün idarəyə
büdcə ayrılmadığını da sözlərinə əlavə edib.
Xədicə Səxavətqızı
Xeberle.com
Xəbərdən istifadə edərkən istinad etmək vacibdir.
