Sumqayıt Regional Mədəniyyət İdarəsinə tabe olan Nizami Gəncəvi adına Kitabxana Klubda General-mayor Polad Həşimov adına 28 nömrəli tam orta məktəbin 2c sinif şagirdlərinin iştirakıyla "Tarix yazan, tarixə sığmayan şəhidlər" adlı tədbir təşkil ediblər.
Tədbir şəhidlərimizin əziz xatirəsinin 1dəqiqəlik sükutla yad edilməsi ilə başlanıb. Kitabxananın böyük mütəxəssisi Səadət Allahverdiyeva giriş nitqi ilə çıxış edərək Azərbaycanın ərazi bütövlüyü, 44 günlük Vətən müharibəsində qazandığımız qürurlu qələbədən danışaraq, kitabxanada təşkil olunan vətənpərvərlik mövzusunda yazılmış kitab və dövrü mətbuatdan ibarət "Qarabağ Azərbaycandır" başlıqlı sərgi haqqında məlumat verib.
Şagirdlərin ifasında vətənə, şəhidlərimizə həsr olunan şeirlər dinlənilib.
Sonra məktəbin müəllimi Qumru Səfərova çıxış edərək bu mözuda tədbirlərin vacibliyini qeyd edib.
Tədbirin sonunda mövzu ilə bağlı videoçarx nümayiş olunub.
Xəbərdən istifadə edərkən istinad etmək vacibdir.
