Sumqayıt şəhərində 27 sentyabr Vətən müharibəsinin Anım Günü ilə bağlı şəhər ərazisində silsilə tədbirlər təşkil olunub.
Xeberle.com xəbər verir ki, tədbirdə Sumqayıt şəhər İcra Hakimiyyətinin nümayəndələri, Milli Məclisin deputatları, hüquq-mühafizə orqanlarının rəhbərləri, şəhərdə fəaliyyət göstərən idarə və müəssisələrin kollektivləri, şəhid ailələri və şəhər ictimaiyyətinin nümayəndələri iştirak ediblər. Sumqayıt bulvarının ərazisində şəhidlərimizin xatirəsinə həsr olunmuş ağacəkmə aksiyası keçirilib.
Sonra tədbir iştirakçıları Sumqayıtın Şəhidlər Xiyabanında Azərbaycanın ərazi bütövlüyü uğrunda canlarından keçmiş şəhidlərimizin xatirəsini anıblar.
27 sentyabr - Anım Günü ilə bağlı Sumqayıt şəhərində saat 12:00-da Vətən müharibəsi şəhidlərinin əziz xatirəsi bir dəqiqəlik sükutla yad edilib.
Şəhidlər xiyabanında keçirilən anım tədbirində 44 günlük zəfər savaşından söhbət açılıb. Şəhər rəhbərliyi şəhid ailələri ilə həmsöhbət olublar.
Sonda mərasim iştirakçıları, şəhid valideynləri şəhidlərin məzarlarını ziyarət edərək gül dəstələri düzüblər.
Video və foto: Əli Əliyev
Xəbərdən istifadə edərkən istinad etmək vacibdir.
