Sumqayıt Regional Mədəniyyət İdarəsinə tabe olan Abşeron rayon Mədəniyyət Mərkəzi Ceyranbatan qəsəbə Folklor evinin əməkdaşları Vətən müharibəsi şəhidi Rüfət Rauf oğlu Şabanovun ailəsini ziyarət ediblər. Öncə şəhidin yaşadığı binanın qarşısında onun xatirəsini əbədiləşdirmək üçün düzəldilən xatirə lövhəsinin və bulağın önünə gül dəstəsi qoyulub. Şəhidin anası Kifayət xanım onunla bağlı xatirələrindən və keçdiyi döyüş yolundan söz açıb.
R.Şabanov 2001-ci il fevralın 24-də Ceyranbatan qəsəbəsində anadan olub. 2019-cu ilin iyulunda hərbi xidmətə yollanıb. Vətən müharibəsinin ilk günü 2020-ci il sentyabrın 27-də Kəlbəcər – Murovdağ istiqamətində gedən döyüşlərdə şəhid olub. Ceyranbatan qəsəbəsində torpağa tapşırılıb.
Şəhidimiz ölümündən sonra Azərbaycan Respublikasının prezidenti cənab İlham Əliyevin Sərəncamına əsasən "Hərbi xidmətə görə”, "Kəlbəcərin azad olunmasına görə”, "Vətən uğrunda” və "Şücaətə görə” medalları ilə təltif edilib.
Sonra əməkdaşlar şəhidin anasının hər zaman yanında olacaqlarını, maddi, mənəvi dəstək duracaqlarını bildiriblər.
Allah şəhidlərimizə rəhmət eləsin!
Xəbərdən istifadə edərkən istinad etmək vacibdir.
