Sumqayıt Regional Mədəniyyət İdarəsinə tabe olan Sumqayıt Dövlət Rəsm Qalereyasının əməkdaşları 44 günlük Vətən müharibəsinin şəhidi Polkovnik-leytenant Ramiz Sübhan oğlu Cəfərovun ailəsini ziyarət ediblər.
Ziyarət zamanı şəhid Ramizin həyat yoldaşı onunla bağlı xatirələrindən və şəhidin keçdiyi döyüş yolundan söz açıb. Kollektiv də öz növbəsində ailəyə maddi və mənəvi yardım göstərib. Şəhidimiz 2020-ci il sentyabrın 27-də başlanan Vətən müharibəsində Azərbaycan Xüsusi Təyinatlı Qüvvələrinin tabeliyində olan hərbi qulluqçularla Cəbrayıl rayonu və Şuşa rayonu istiqamətlərində gedən döyüşlərdə savaşıb. Ümumi olaraq 40 gün ərzində bir sıra yaşayış məntəqələrinin, həmçinin əlverişli mövqelərin və strateji nöqtələrin azad edilməsi uğrunda gedən döyüşlərdə iştirak edib. Noyabrın 6-da Şuşa istiqamətində döyüşərək şəhidlik zirvəsinə ucalıb.
Xəbərdən istifadə edərkən istinad etmək vacibdir.
