"Depressiya əslində psixiatrik və tibbi bir termindir. Ölkə əhalisinin təxminən 15%-ə yaxını ancaq evdə oturmaqla məşğuldurlar. İşləri ancaq evdə oturmaq və yatmaqdan ibarətdir. Bunun özü də əslində depressiyadır.” 

Bu sözləri psixoloq Dəyanət Rzayev Azərbaycan əhalisinin 10-15 faizinin depressiyadan əziyyət çəkməsinnə münasibət bildirərkən qeyd edib. 

Xatırladaq ki, Səhiyyə Nazirliyi Psixi Sağlamlıq Mərkəzinin rəhbəri, Azərbaycan Tibb Universitetinin Psixiatriya kafedrasının professoru, tibb elmləri doktoru mediaya açıqlamasında əhallinin 10-15%-nin depressiyadan əziyyət çəkdiyini təsdiqləyib. 

Yaranmış duruma münasibət bildirən Dəyanət Rzayev onu da qeyd etdi ki, depressiya müxtəlif ölkələrdə, müxtəlif səbəblərdən doğur: 

"Əgər Avropa ölkələrində havanın soyuqluğundan və ya digər təbii səbəblərdən insanlar depressiyaya düşürlərsə, Azərbaycan da isə bu problem sosial-psixoloji problemlərdən doğur. Bura insanların bir-biriləri ilə münasibəti, aqressivləşmə və. s daxildir. Sözügedən situasiyalarla gün ərzində avtobusda, yolda üzləşirik” 

Depressiyaya düşən insanların həyatdan ləzzət almadığını söyləyən ekspert, "əgər vətəndaş hər gün işini itirmək qorxusu ilə işə gedirsə, əlbəttə ki, o depressiyaya düşəcək. Eyni halda səhər saat 9-dan axşam 9-a qədər işləməsi müqabilində qəpik-quruş alırsa, depressiyaya düşməsi qaçılmaz olacaq” – deyə bildirdi: 

"Bir növ insanlar həyatı duya bilmirlər. Əslində açıqlanan 15%-lik rəqəm olduqca dəhşətli bir rəqəmdir. Mənim özümdə psixolji narahatlıq keçirirəm. Çünki mənim bu günlərim hüquqlarım tapdalanıb. Əgər şəhəri təmizləmək adı ilə itləri öldürüb yandırırlarsa, bu mənim kimi minlərlə insana psixoloji təsir göstərib.”  (interaztv.com)