İnsanların hansı qida məhsullarına daha çox meylli olması onların xarakterindən xəbər verir. Amerika alimləri apardıqları tədqiqatlar nəticəsində belə qənaətə gəliblər.

Maraq doğuran tədqiqatın nəticələri ilə bağlı yazını təqdim edirik.

1. Tədqiqat müəlliflərinin fikrinə görə, duz və duzlu qidalara meylli olanlar öz şəxsiyyətlərini üstün tutanlar, öz talelərini özləri həll edənlər, istənilən məsələdə mütləq qərarlarını həyata keçirmək istəyən insanlardır. Qida rasionlarında duza xüsusi önəm verənlər prinsipiallıqları və qətiyyətli olmaqları ilə fərqlənirlər.

2. Şokolad həvəskarları adətən həmişə diqqət mərkəzində olanlardır. Onlar ətraf mühitin diqqətindən yayınmaq üçün təkliyə çəkilməyə üstünlük verirlər. Gündəlik rasionlarına şokolad daxil edənlər öz istirahətlərini tənhalıqda keçirməyi xoşlayırlar.

3. Alimlərin qənaətinə görə açı və tünd qida məhsullarını sevən insanlar üçün yaşam tərzində ən əsas məsələ səliqə-sahmandır. Belə insanlar həyatda dəqiqliyi, ciddiliyi, hər bir işi vaxtlı-vaxtında görməyi sevirlər.

4. Tədqiqatlar nəticəsində məlum olub ki, konfetə meylli olan insanlar həyat eşqi ilə yaşayırlar. Nikbinlikləri ilə fərqlənən bu insanlar ən ağır hadisələri belə soyuqqanlıqla qarşılaya bilir, kədəri öz həyatlarından uzaqlaşdırmağı bacarırlar.

5. Həyatda elə insanlar da var ki, onlar həm şirin, həm də duzlu qidalara həvəs göstərirlər. Ekspertlərin fikrincə belə insanlar çox talantlı, yaradıcı təxəyyülə malik olan insanlardır və onlar daha çox qapalı qalmağa üstünlük verirlər.

6. Süd və ağartı məhsullarını xoşalayan insanlar enerjili olurlar. Bu qida məhsullarına meyl göstərənlərin yumor hissi güclü olur və xeyirxahlıq etməkdən zövq alırlar.  (modern.az)