"Regionlarda Qərbi azərbaycanlıların (Yerazların) siyahıya alınması prosesinə başlanılıb. Qohumlarımdan bəziləri mənə bu haqda suallar ünvanlayır, bunun səbəbini soruşur".
Xeberle.com-un məlumatına görə, bu barədə politoloq Turan Rzayev məlumat verib.
T. Rzayev bildirib ki, indiki məqamda Qərbi azərbaycanlıların siyahıya alınmasının iki səbəbi ola bilər:
"Birincisi, siyahıya alınma ilə hazırda Azərbaycanda əslən qərbi Azərbaycandan olan insanların sayı müəyyən edilməyə çalışıla bilər. Prinsip etibarilə buna ehtiyac da var.
Nəzərə almaq lazımdır ki, vaxtilə məcburi şəkildə torpaqlarından qovulan qərbi azərbaycanlıların sayı əsaslı surətdə dəyişib. Belə ki, onlar içərisində həyatını itirənlər olduğu kimi Azərbaycanda dünyaya gələn 3-cü 4-cü nəsil də var. Belə bir siyahı sayları heç 20 min belə olmayan Qarabağ erməniləri üçün status tələb edən qərbi susdurmaq üçün də tərtib edilə bilər.
İkincisi, qərbi azərbaycanlılar siyahıya alınaraq gələcəkdə onlara qaçqın statusu yenidən verilə bilər. Bir müddətdir bu istiqamətdə onsuz da təkliflər verilir".
Xədicə Səxavətqızı
Xeberle.com
Xəbərdən istifadə edərkən istinad etmək vacibdir.
