Rusiyanın Tomsk vilayətinin eyniadlı şəhərində "Qırmızı məscid"in bərpadan sonra təntənəli açılış mərasimi keçirilib.

Bu, bütün region dindarları üçün vacib və uzun müddətdir, gözlənilən hadisə idi.

Məlumat üçün bildirək ki, Qırmızı məscid 1904-cü ildə tikilib. 1931-ci ildə bağlanan məscid binası sonralar kino zalı kimi istifadə edilib. Bina dindarlara məscid kimi 2003-cü ildə qaytarılıb.

Bərpa işləri təxminən üç il əvvəl başlayıb. Ötən ilin oktyabrında 47 metr hündürlüyə malik minarəyə günbəz qoyulub.

Tomskun Tatarskaya küçəsində yerləşən məscidin bərpasına ümumilikdə təxminən 70 milyon rubl xərclənib.  (interaztv.com)