"Bu gün bizim Azərbaycanla münasibətlərimiz istənilən sarsıntılara dözməyə hazırdır. Amma daha yaxşı olardı ki, bu sarsıntılar olmasın”. Bunu Dövlət Dumasının MDB, Avrasiya inteqrasiyası və həmyerlilərlə əlaqələr üzrə komitəsinin sədri Leonid Slutski deyib.  

Deputatın sözlərinə görə Yerevana səfərindən sonra ona məlum olub ki, səsləndirdikləri fikirlər Ermənistan mətbuatında təhrif edilib. 

"Qeyd edilirdi ki, guya mən Azərbaycan prezidenti İlham Əliyevlə hansısa mühüm mövzuları müzakirə edirdim. Silahlanma haqqında sözlər mənə aid edilirdi. Bundan başqa guya mən Bakı və Ankaranın Ermənistan barəsində azğın siyasət həyata keçirdiyini bildirmişəm”,-deyə o Ermənistan mətbuatının yalanını ifşa edib.

Leonid Slutski bildirib ki, , Dağlıq Qarabağ münaqişəsi  ilə bağlı vəziyyət fövqəladəzərif materiyadır. Dövlət Dumasının komitə sədri qeyd edib ki, Azərbaycan xalqının dostu olaraq qalır. 

"Bu mənim üçün fövqəladə əhəmiyyətlidir. Mən Azərbaycan siyasətçilərinin, mədəniyyət xadimlərinin çoxu ilə tanışam. Mənim üçün onlarla dostluq əhəmiyyətlidir. Fəxr edirəm ki, onlar mənim dostlarımdır”.

Dövlət Dumasının üzvü  Azərbaycan Xarici İşlər Nazirliyinin onun barəsində verdiyi açıqlamaya da diqqət çəkib. Deputat söyləyib ki, Rusiyada çox siyasətçi çətin vəziyyətlərdə Azərbaycanın real dostu olduqlarını sübut edib. 

O ümid etdiyini bildirib ki, yaxın zamanlarda Azərbaycanın dost görmək istəyənlərin siyahısı daha da böyüyəcək.

Qeyd edək ki, Ermənistan mətbuatı Leonid Slutskinin Yerevanda keçirdiyi mətbuat konfransında Azərbaycan əleyhinə bəyanatlar verdiyi barədə informasiyalar tirajlayıb. Azərbaycan XİN isə məsələ barədə etiraz bəyanatı yayıb.  (modern.az)