Filippində  yaradılan sehrli muzey insanların marağına səbəb olub. Bu ölkənin paytaxtı Manilada Koreyalı incəsənət nümayəndələrinin layihəsi əsasında  ərsəyə gələn muzeydə, ziyarətçilər də incəsənət əsərlərinin bir parçasına çevrilir.

Muzeydə  100-dən çox rəsm əsəri nümayiş olunur. Bu rəsm əsərlərinin hamısı  3D formatında olduğundan, şəkllərin qarşısında dayanan insanlar sanki həmin şəklin içində əllə çəkilmiş şəklə bənzəyir. Başqa sözlə desək, adi halda  bir neçə metr aralıdan şəkildəki insanın real olub-olmadığını anlamaq çətindir. Foto şəkillərdə isə demək olar ki,  bu fərqi tapmaq mümkün olmur.

Sehrli muzey qısa zamanda tamaşçıların axınına məruz qalıb. Sadəcə müxtəlif təbəqədən olan insanlar yox, məktəb müəllimləri də bu muzeyi alqışla qarşılayır. Bu muzey, şəkillərə baxmağa gələn şagirdlərdə incəsənətə olan marağı artırır.

Sehrli muzeyin rəhbərliyi yaxın gələcəkdə burdakı eksponatların sayını artıracaqlarını bildiriblər. Rəsmlərin insanlarda optik illuziya yaratdığını deyən rəssamlar, bu cür muzeylərin dünya miqyasına yayılacağını da istisna etmir. (Atv.az)