"Türkiyə və Ermənistan arasındakı bağlı sərhədlər sonuncu qalan "dəmir pərdə”dir”.

Bu sözlər "Blomberq” agentliyində yayımlanan Selcan Hacaoğlu və Sarı Xocayanın məqaləsində yer alıb.

Müəlliflər bu sərhədlərin yeni soyuq müharibənin başlanmasına səbəb ola biləcəyini deyiblər:

"Ola bilər ki, o həm də yeni soyuq müharibə üçün ilk kərpic olsun. Rusiya Prezidenti Vladimir Putin apreldə Birinci Dünya Müharibəsi zamanı törədilən erməni qırğınlarının 100 illiyinin qeyd edilməsi üçün İrəvana gələcək. O, həmçinin bununla Rusiyanın bu ölkədəki dominant rolunu təsdiq etmiş olacaq. Türkiyə və Ermənistan arasındakı sərhəd NATO və SSRİ arasında keçmiş cəbhə xətti idi. Putinin Qərbin təsirinin Rusiyanın Qafqazdakı arxa qapısından uzaq tutmağa çalışması gərginliyə səbəb oldu. Bu isə öz növbəsində 2008-ci ildə Gürcüstanla Abxaziya və Cənubi Osetiya üçün savaşa gətirib çıxartdı. Türkiyə 3 aprel 1993-cü ildən Azərbaycana onun Ermənistanla Dağlıq Qarabağ ərazisindəki konfliktdə dəstək jesti göstərmək üçün sərhədlərini bağlı saxlayır. Bununla bərabər, yeni iqtisadi bloka girməsi Ermənistanın Rusiyadan asılılığını əks etdirir. Bu isə Türkiyə və Azərbaycanla olan keçmiş mübahisələrin həll edilməsini sual altına qoymuş olur”.  (axar.az)