İnsanlar tək gözlü olacaq. Belə bir fikri professor Thomas Hall Shastid 1933-cü ildə "Gələcəyin üzləri” adlı məqaləsində bildirib. Professor məqaləsində eyni zamanda insanların alınlarının daha uzun formada olacağını iddia edib.
İkinci fikir televiziya ilə bağlıdır. Bəzi mütəxəsisslərin fikrincə insanların televiziya qarşısında daha çox vaxt keçirmələri onların kitaba olan marağını, oxumaq həvəsini azaldacaq. Hətta 21-ci əsrdə oxuma bacarığını itirənlərin sayı çoxalacaq.
Hər xəstəliyi müalicə edən bir həb yaradılacaq. Belə bir iddia ilə 1956-cı ildə isveçrəli həkim Francois Ody çıxış edib. Onun iddiasına görə istər qrip, istərsə də ən sağalmaz xəstəlikdən yaxa qurtramaq üçün sadəcə bu həbi qəbul etmək kifayət edəcək. Eyni zamanda elm adamları bir sıra kəşflərə imza atacaqlar ki, bunlardan da biri zehnə nəzarət edən dərman olacaq.
Ərzaq problemlərini həll etmək üçün dəniz və okeanların dibində yosun fermaları qurulacaq. Belə bir fikri 1966-ci ildə "Rand” adlı firmanın mütəxəssiləri irəli sürmüşdü.
İllər əvvəl deyilən fikirlərdən birində isə gələcəkdə dördbucaq formada olan meyvələrin dünya bazarlarına çıxarılacağı bildirilib. Dördbucaq meyvələrin ənənəvi meyvələrdən heç nə ilə fərqlənməyəcəyini deyən mütəxəsisslər sadəcə olaraq bu cür meyvələrin bağlamalara yerləşdirməyin daha az vaxt və əziyyət tələb edəcəyini bildiriblər.
Televiziyadakı görüntüləri hiss edə, qoxusunu ala biləcəyik. Alim və mütəxəsisslərin gələcəklə bağlı səsləndirdikləri fikirlərdən biri də bu idi. Onların iddialarına görə gələcəkdə insanlar nəinki görüntüləri hiss edə, qoxusunu ala, hətta televiziyada hazırlanan yeməklərin, içkilərin dadına belə baxa biləcəklər.  (atv.az)