Avropa İttifaqının Kopernik İqlim Dəyişikliyi Xidməti 2023-cü ilin iyul ayının qlobal miqyasda "ən isti ay” kimi qeydə alındığını açıqlayıb.
Xəbərlə.com xəbər verir ki, ötən ay istilik "ən isti ay"ın yaşandığı 2019-cu ilin iyul ayını 1,5 santiqrad dərəcə ilə keçib.
Şimal yarımkürəsinin bir çox bölgələrində istilik dalğaları yaşanıb və temperatur Antarktidanın çox hissəsində orta səviyyədən xeyli yuxarı olub. Artan qlobal orta dəniz səthi temperaturu da keçən ay rekord səviyyəyə çatmışdı.
Kopernik İqlim Dəyişikliyi Xidmətinin direktor müavini Samanta Burgess bildirib:
"Biz iyul ayında qlobal hava və okean səthinin temperaturlarının bütün zamanların rekordlarını qırdığını gördük. Bu rekordlar həm insanlar, həm də əvvəlkindən daha tez-tez və daha intensiv şəkildə ekstremal hadisələrə məruz qalan planet üçün dəhşətli nəticələrə malikdir. 2023-cü ilin temperaturu son illər üçün orta göstəricidən 0,43 dərəcə yuxarıdır. Bu, bu günə qədərki ən isti üçüncü ildir. İyulda qlobal orta temperatur sənayedən əvvəlki səviyyədən 1,5 dərəcə selsi yuxarıdır".
Burgess bu vəziyyətin əsas səbəbi olan istixana qazları emissiyalarının təcili olaraq azaldılmasının lazım olduğunu vurğulayıb
Xəbərdən istifadə edərkən istinad etmək vacibdir.
