İstanbul məhkəməsi ötən ilin may ayında Türkiyənin keçmiş baş naziri, hazırda prezidenti olan Rəcəb Tayyib Ərdoğana qarşı sui-qəsd törətməyə cəhd etmiş Fərhad Yıldıza hökm çıxarıb. SİA-nın məlumatına görə, bu barədə "haberler.com" xəbər verir. Məlumata görə,  Yıldız İstanbulun Sultanqazi rayonu ərazisində Ərdoğana kustar üsulla hazırlanmış tapançadan atəş açmaq istəyib. İnsident hakim Ədalət və İnkişaf Partiyasının mitinq keçirdiyi zaman yaşanıb. Belə ki, cinayətkar o zamankı baş nazir Rəcəb Tayyib Ərdoğanın avtomobilinə yaxınlaşmağa imkan tapıb və o, mitinq iştirakçılarını salamlayarkən, tətiyi basıb. Ancaq silah həmin vaxt işə düşməyib. Ərdoğanın mühafizəçiləri Fərhad Yıldızı zamanında zərərsizləşdirməyə imkan tapıblar.Xatırladaq ki, prokurorluq hazırkı prezidentə qarşı sui-qəsd törətməyə cəhd etmiş cinayətkarın 20 il cəza almasını istəmişdi.