XI əsrin sonlarında Roma papası II Urban Klermon yığıncağında xristianları İsa peyğəmbərin qəbrini "kafirlərdən”(burda kafirlər dedikdə müsəlmanlar nəzərdə tutulurdu) xilas etməyə çağıranda heç də dini təəssübkeşlik etmirdi. Əsas məqsəd Şərqdə hakim mövqeyə çevrilmiş türk-müsəlman amilinin qarşısını almaq idi. Səkkiz dəfə xaç yürüşünə çıxan avropalılar hamısında uğursuzluğa düçar olaraq geri qayıtdıqdan sonra kilsə anladı ki, İslama, xüsusən də onun qılıncı olan türklərə silahla qalib gəlmək olmaz. Bəs kilsə nə etdi? Sezar dövründən qalmış "parçala və hökmranlıq et” taktikasını seçdilər, bunun bariz nümunəsi Səfəvi-Osmanlı müharibələrini göstərmək olar.
Növbəti oyun İŞİD üzərində quruldu. Bu dəfə sünni-şiə məsələsini qızışdırmaq, bununla da bölgədə fikir ayrılığı yaratmaq məqsədilə daha iyrənc və qanlı ssenari yazıldı. Hətta ilk rus imperatoru I Pyotr da öz xələflərinə sünni-şiə məsələsinə xüsusi diqqət yetirməyi vəsiyyət etmişdi. İslama yönəlmiş Avropa əhalisini yolundan sapdırmaq üçün bəşərriyətə göndərilmiş sonuncu dinə çamur atılmalı idi.
İlk addım Talibanla başlandı. Lakin medianın kəşfiyyat orqanları ilə "əməkdaşlığı” bu ssenarinin müəllifinin, elə zərərçəkən ABŞ-ın özü olduğunu üzə çıxardı. Daha sonra İraq. ABŞ siyasi cəhətdən iflasa uğradığı bir zamanda, İslama bağlı Barak Obama ilə siyasətini pərdələməyə çalışdı. Zaman bunun da avantüra və çəkilən pərdənin ABŞ-ın qara xislətlərini örtmək üçün həddindən nazik olduğunu göstərdi. Barak Hüseyn Obama ABŞ-ın heç də islamafob bir ölkə olmadığını isbat edə bilmədi. Bu özünü Birləşmiş Ştatların İran İslam Respublikasına qarşı yürütdüyü siyasətdə çılpaqlığı ilə büruzə verir. İslam ölkəsinin nüvə texnologiyasına sahib olması Qərbin yuxularının kabusudur. Bu kartdan istifadə edərək dünyada anti-təbliğat aparan ABŞ və Avropa münasibətlərin müharibə həddinə çatdığını gördükdə danışıqlar masası "priyomu”nu işə saldı. İsrailin qıcıqlanmasına baxmayaraq geri çəkilməyə məcbur oldu. Lakin bu çəkilmə növbəti mənfur planların hazırlanması üçün vaxt qazanılmasından başqa bir şey deyildi.
Növbəti planın adı "İŞİD”. İslama aid olmayan İŞİD əslində ABŞ və İngiltərə əks-kəşfiyatının seyfdə saxladıqları çoxdankı planları idi və məharətlə işə salındı. Günahsız insanlar qurban verildi, terrora qarşı mübarizə adı altında dünyaya demokratiya sırıyan Qərb yenə İslama qarşı xaç yürüşünə başladı.
Məhəmməd Peyğəmbərə qarşı təhqiramiz karikaturalar, İslam əleyhinə məqalələr, hətta sosial şəbəkələrdə yaradılan anti-İslam səhifələri və qrupları yalnız bir məqsəd daşıyır. Müsəlmanları qızışdırmaq və ayağa qaldırmaq. Tamaşaya oxşayan Fransadakı qətl hadisələrində yenə müsəlman amili ortaya çıxdı. Nədənsə daim müsəlmanlar hədəfə çevrilir. Halbuki əhalisinin əksəriyyəti xristian olan Ermənistanın Xocalıda törətdikləri soyqırım heç yada salınmır. Bəs hanı demokrtaik Qərb? İnsan hüquqlarından ağzı köpüklənə-köpüklənə danışan ABŞ niyə səsini çıxarmır?

Xeberle.com