Yeni keçirilən sorğu nəticəsində dünyanın ən xoşbəxt ölkəsi müəyyənləşib.
Bu dünya şöhrətli saatları və şokaladı ilə məşhur olan İsveçrədir. B
MT-nin nəzdində fəaliyyət göstərən Davamlı İnkişaf Yolları Şəbəkəsi tərəfindən hazırlanan dünyada xoşbəxtlik indeksində İsveçrə ilk yerdə qərarlaşıb. Üç ildir ənənəvi olaraq keçirilən sorğu indeksində İsveçrənin ardınca İslandiya, Danimarka, Norveç və Kanada gəlir.
Həmin hesabata görə, əhalisinin özünü xoşbəxt hiss etməyən ölkələrə isə Toqo başçılıq edir. Toqo respublikasının ardınca Burundi, Benin, Ruanda və təkfirçi terror qruplarının müharibə meydanına çevrilən Suriya siyahıda ardıcıl olaraq ilk yerləri tutur.
Bildirək ki, bu ilki dünya xoşbəxtlik indeksi 158 ölkədə sorğular keçirməklə hazırlanıb. (interaztv.com)
Xəbərdən istifadə edərkən istinad etmək vacibdir.
