Qazaxıstanda keçirilən növbədənkənar prezident seçkilərində hazırkı dövlət başçısı Nursultan Nazarbayev qalib gəlib.
Bu barədə Qazaxıstan Mərkəzi Seçki Komissiyasının ilkin məlumatında deyilir.
Səsvermə hüququndan istifadə etmiş seçicilərin 97,7 faizi Nazarbayevə səs verib. Qazaxıstan Xalq Kommunist Partiyası Mərkəzi Komitəsinin katibi Turqun Sızdıkov və Qazaxıstan Həmkarlar Federasiyasının rəhbəri Abelqazi Kusainov müvafiq olaraq 1,6 və 0,7 faiz səs toplayıb.
Seçici fəallığı 95,22 faiz təşkil edib. Səsvermənin son nəticələri qanunvericiliyə əsasən, 3 may tarixindən gec olmayaraq elan edilməlidir. (publika.az)
Xəbərdən istifadə edərkən istinad etmək vacibdir.
