İran prezidenti İbrahim Rəisinin noyabrın 28-də başlamalı olan Türkiyə səfəri BMT Təhlükəsizlik Şurasının Qəzza zolağı ilə bağlı iclası səbəbindən təxirə salınıb.
Xeberle.com xarici KİV-ə istinadən xəbər verir ki, bu barədə İranın xarici işlər naziri Hüseyn Əmir Abdulahiyan bildirib.
"Prezident Rəisinin artıq planlaşdırılan Ankaraya rəsmi səfəri BMT Təhlükəsizlik Şurasının Qəzza sektoruna həsr olunmuş, Türkiyə və İranın xarici siyasət idarələrinin rəhbərlərinin iştirak etməyə dəvət olunduğu sessiyası səbəbindən təxirə salınıb. Telefon danışığı zamanı iki ölkənin prezidentləri razılaşıblar və səfər zamanı BMT Təhlükəsizlik Şurasının sessiyasının nəticələrini müzakirə etmək üçün səfəri bir neçə günə təxirə salıblar", - nazir deyib.
Xəbərdən istifadə edərkən istinad etmək vacibdir.
