Ermənistan baş nazirinin müavini Mher Qriqoryan axtarışda olan Kamil Zeynallının sərbəst buraxılması məsələsinə toxunub.
Xeberle.com məlumat verir ki, Qriqoryan bu barədə erməni KİV-ə açıqlamasında deyib.
Nikol Paşinyanın müavini bildirib ki, onlar bu barədə tədbir görəcəklər: "Əminəm ki, tədbir görüləcək, amma indi daha ətraflı danışmaq istəmirəm, çünki məsələ ilə bağlı kollegial müzakirə də aparılmalıdır".
Xatırladaq ki, Kamil Zeynallı 2 gün əvvəl Moskvanın "Domodedovo" hava limanında tutularaq polis bölməsinə aparılmışdı. Ermənistan Daxili İşlər Nazirliyi qətl ittihamı ilə onun barəsində dövlətlərarası axtarışın aparıldığını təsdiqləyib.
Daha sonra Kamil Zeynallı Azərbaycan hakimiyyətinin dəstəyi ilə azadlığa buraxılaraq Bakıya gətirilib.
Xəbərdən istifadə edərkən istinad etmək vacibdir.
