Tailand parlamentinin aşağı palatası eynicinslilərin nikahına icazə verən qanunu qəbul edib.
Xeberle.com məlumat verir ki, iclasda iştirak edən 414 deputatdan 400-ü təşəbbüsü dəstəkləyib.
Qanunun qüvvəyə minməsi üçün Senat və Tailand kralı Maha Vajiralonqkorn tərəfindən təsdiqlənməlidir.
Sözügedən dəyişiklik qüvvəyə minəcəyi təqdirdə, Tailand Cənub-Şərqi Asiyada eynicinsli nikahları tanıyan ilk ölkə olacaq. Asiyada eynicinsli nikahlar yalnız Nepal və Tayvanda qanuniləşdirilir.
Qanun nikahı təkcə kişi və qadının deyil, iki nəfərin birliyi kimi təsvir edir. Sənədin 2024-cü ilin sonundan əvvəl qüvvəyə minməsi gözlənilir.
Bundan əvvəl fevral ayında Yunanıstan parlamenti eynicinsli nikahları qanuniləşdirən və eynicinsli cütlüklərə uşaqları övladlığa götürməyə icazə verən qanun qəbul edib.
Xəbərdən istifadə edərkən istinad etmək vacibdir.
