Amerikanlar 1961-ci ildə Moskvada necə çəkiliş aparırdı...
Sosial şəbəkələrə yol tapan Amerikanın " Gizli kamera” teleşousunun SSRİ-də çəkdiyi videorolik böyük müzakirələrə səbəb olub. Çəkiliş 1961-ci ildə Moskvada aparılıb.
"Gizli kamera”nın Moskvaya həsr olunmuş buraxılışı adi epizodlarla fərqlənir. Belə ki, bu buraxılış SSRİ-də həyat tərzi ilə adi zarafatlara həsr olunub.
Videoda aparıcı apardığı müşahidələr haqqında söhbət açır. O, xüsusilə vurğulayır ki, böyük bir ölkənin paytaxtında avtomobillər az olmasına baxmayaraq piyada keçidlərinin sayı çoxdur.Həmçinin videorolikdə qeyd olunur ki, qadınlar çətin işləri asanlıqla öz üzərlərinə götürürlər. Aparıcı buna misal olaraq hündür yerlərdə sığortasız olaraq pəncərə silinməsini göstərir.
Bununla yanaşı, gizli kamera Kremldə, Çar topunun yaxınlığında da qurulub. Çəkiliş qrupu müşahidələrə əsasən qeyd edir ki, SSRİ-də foto çəkilən zaman gülmək qəbul edilən deyil və hətta bu qaydaya kiçik uşaqlar da riayət edirlər. (Analitik.az)
Xəbərdən istifadə edərkən istinad etmək vacibdir.
