İspaniya Futbol Federasiyası dünyanı şoka salan qərar qəbul edib.

Mayın 16-dan etibarən İspaniyanın bütün peşəkar futbol liqalarında oyunlar dayandırılacaq. Buna səbəb ölkənin federasiyasının oyunların canlı yayım hüququ ilə əlaqədar hökümətiylə anlaşa bilməməsidir. 

İspaniya hökümətinin 30 apreldə çıxardığı yeni qərarla razılaşmayan federasiya mayın 16-dan etibarən La Liqa və ikinci liqa daxil olmaqla bütün peşəkar futbol çempionatlarında oyunların müddətsiz təxirə salınacağını açıqlayıb. 
İspaniya Futbolçular Birliyinin (AFE) sədri Luis Rubialesin də bu gün  yaranmış vəziyyətlə bağlı federasiyanın qəbul etdiyi qərarı rəsmən açıqlayacağı gözlənilir. Əgər federasiyanın oyunların dondurulması ilə bağlı qərarı həyata keçirilərsə, İspaniya La Liqasının son iki turunun və ölkə kubokunun final görüşləri baş tutmayacaq.  (atv.az)