ABŞ Prezidenti Barak Obama Tvitter sosial şəbəkəsində şəxsi hesab açıb.  Obamanın Amerika Birləşmiş Ştatlarının Prezidenti (President of the United States) ifadəsinin qısa - "POTUS” şəklində açdığı yeni hesab qısa müddətdə böyük marağa səbəb olub.   Obama təkcə bir tvit ilə təxminən 800 min izləyici qazanıb. Prezident atdığı ilk tvitində bunları yazıb:   "Salam, Tvitter! Bu Barakdır. Doğrudan! 6 ilin sonunda, nəhayət, mənə şəxsi hesabımı verdilər”.   Obamanın bu tviti 220 min dəfə paylaşılıb və bununla da ən çox paylaşılan tvitlər arasına düşüb.   Xatırladaq ki, Obamanın həyat yoldaşı Mişel Obamanın da "FLOTUS” (First Lady of the United States) adlı hesabı var. Amma bu hesab Ağ Ev rəsmiləri tərəfindən idarə edilir. Mişel Obamanın şəxsi hesabı öz adınadır.  (Axar.az)