Günəşin səthində baş verən partlayış ABŞ-ın Minnesota ştatında al-əlvan mənzərə yaradıb. Səmanı sanki canlı rəsm əsərinə çevirən qütb işıqları insanların da marağına səbəb olub. Minlərlə amerikalı bu qeyri-adi təbiət hadisəsini izləmək üçün küçələrə axın edib.
Mineapolis, Bleyn və Sörkl Payns şəhərlərində adi gözlə müşahidə olunan Aurora Borealis, elə göydəkilərin də diqqət mərkəzində imiş. Söhbət beynəlxalq kosmik stansiyada missiyalarını davam etdirən kosmonavtlardan gedir. Qütb işıqları o qədər güclü olub ki, kosmik stansiyadan belə aydın görüntülənib.
Avstraliyada də müşahidə olunan Aurora Borealis öz görünüşü ilə göz oxşasa da, əslində meteo-həssas insanlar üçün sözün əsl mənasında baş ağrısı deməkdir. Bu şüalar günəşdən yerə yayılan maqnit dalğasının göstəricisidir.
ABŞ Kosmik hava proqnozu mərkəzi günşədə baş verən partlayışın yerdə G4 maqnit qasırğasına səbəb olacağını bildirib. Bu qasırğa meteohəssas insanların səhhətində, elektrik enerjisinin nəqli və telekommunikasiya sistemlərində problem yaradır. (atv.az)
