Şərq xanımı həmişə heyranlıq doğurub – onların gözəlliyi, incəliyi və sirri hər kəsi heyran qoymağı bacarıb. 
Bu gün Şərq öz qapılarını tədricən Qərbə açmağa başlayıb. Qərb tendensiyalarını dərhal başa düşən şərq gözəlləri dəbi "rəqibləri”ndən heç də az bilmədiklərini göstəriblər. 
Ən dəbli şərq xanımlarını təqdim edirik.

Dina Əbdüləziz


Nyu-Yorkda keçirilən moda həftəsində qısa saç kürən xanımı hamı ilk baxışda moda bloggeri kimi qəbul edib. Lakin, reallıq təsəvvür ediləndən çox uzaq olub. Belə ki, dəb həvəskarının Səudiyyə Ərəbistanı vəliəhdinin xanımı Dina Əbdüləziz olduğu məlum olub. Dina heç vaxt möhtəşəm sarayında oturmağı arzulamayıb. Buna görə də vəliəhdlə tanışlığından öncə Dina moda sahəsində öz karyerasını qurmağa başlayıb. Bu gün Əbdüləziz moda sahəsində layiqli yerindədir. Dinanın butiklər şəbəkəsi var və o, dəb saytında bölməyə rəhbərlik edir. 

Əsma əl-Axras


"Əsl diktator mənəm” - Suriya prezidentinin xanımının bu statını TheTelegraph qəzetində dərc edilib. Əsma əl-Axras həqiqətən də dəmir iradəyə sahibdir. Lakin, bu, onun xarici görünüşünə heç bir təsir göstərməyib. Əsma çox incə və cazibədar birinci xanımdır. O, zövqlü klassik geyimlərə üstünlük verir və onları aksesuarlarla (məsələn, iri boyunbağı və şux şərf) tamamlayır. 

Kraliça Raniya 


İordaniyanın 44 yaşlı kraliçası Raniyanı yeni "ürəklər kraliçası” adlandırırlar (belə xalq tituluna daha öncə yalnız şahzadə Diana layiq görülüb). İordaniyalıların bu cür sevgisini Raniya sosial işlərlə fəal məşğul olmaqla qazanıb. Kraliça öz üslübu ilə də çox məşhurdur. İdeal dəb üslübuna görə ingilis jurnalı "Hello!” Raniyaya "Dünya zəriflik kraliçası” adı verib. 

Mehriban Əliyeva


Azərbaycan Respublikasının birinci xanımı Mehriban Əliyeva öz 51 yaşında istənilən 20 yaşlı qızdan daha gözəldir. Mehriban xanım təkcə öz gözəlliyini qorumaqla kifayətlənməyib. O həm də yüksək effektli rəsmi mərasimlərlə mütəmadi diqqət çəkməyi bacarır. Azərbaycanın birinci xanımı bahalı, lakin təvazökar geyimlərə üstünlük verir. Onun üslübunu incəlik klassiki kimi xarakterizə etmək olar. Xanım Əliyevanın obrazındakı mühim element dikdaban ayaqqabılarıdır. Bu ayaqqabılar üzərində birinci xanım olduqca rahat hərəkət edir.

Şeyxə Moza


Şeyxə Moza Qatarın keçmiş əmirinin xanımıdır. Şeyxə öz zamanında mümkünsüzü bacarıb. Belə ki, o, tez-tez nüfuzlu ərinin iştirakı olmadan beynəlxalq səviyyəli görüşlərdə iştirak edib və ölkəsinin "siması”na çevrilib. Dünya siyasətçilərinin iştirakı ilə keçirilən tədbirlərdə Şeyxə Moza həmişə qeyri-adi üslubu ilə diqqəti cəlb edir. Onun sirri iri zinət əşyaları və şərq elementləri ilə müşaiət olunan ahəngdarlıqdadır (Şeyxənin sevimli aksesuarı hicabıdır). (aznews.az)