Hər ölkənin sərhədləri daxilində tətbiq etdikləri qayda-qanunlarla yanaşı, qəribə qadağaları da var. Bəzi qadağaları oxuyanda siz də oradakı insanların ölkədə yaşama səbəbini sorğulayacaqsınız. Onlardan bəzilərini təqdim edirik: Saqqız qadağası – Sinqapur. "Tipitip” adlı şirkətin istehsal etdiyi saqqızların qadağan olunması ilə başlayan saqqız qadağası elə bir hala çevrilib ki, artıq bu işə qanunlar müdaxilə edir. Belə ki, Sinqapurda saqqız çeynəmək üçün həkimin resepti və icazəsini almaq lazım gəlir. 1994-cü ildən etibarən tətbiq olunan bu qadağa nə qədər qəribə olsa da, vətəndaşlar vəziyyətdən şikayətçi deyil.

Körpə maneji -  1994-cü ildə Kanada Səhiyyə Nazirliyi tərəfindən tətbiq edilən qadağa uşaqların təhlükəsizliyinə istiqamətlənib. Belə ki, nazirlik qadağanı bu cür izah edir: körpələr bununla gedə bilmədikləri yerlərə rahatlıqla çatırlar. Həmin yerlər daha çox balkon, nərdivan və digər təhlükəli yerlərdir ki, orada uşaqlar real təhlükəylə üzləşirlər. Qurum həmçinin bu qurğuların uşaqların zehni inkişaf ritmini pozduğunu da bildirir.

Oyun qadağası – Yunanıstan. Yavaş-yavaş təsirini itirsə də, bir müddət əvvələ kimi kompüter oyunları Yunanıstanda qadağa edilmişdi. Hətta iş o yerə çatmışdı ki, müxtəlif internet klublara basqınlar edilərək orada olan avadanlıqlar yığışdırılırdı. Hökumət onların insan düşməni olduğunu diqqətə çatdırır və cinayət alətləri sırasına kompüterləri, Xbox, PlayStation və digər qurğuları da əlavə edir.

Lollipop qadağası – Amerika Birləşmiş Ştatları. ABŞ-ın Vaşinqton şəhərində lollipop yemək qəti qadağandır. Qurumlar bu qadağanın səbəbini çoxsaylı insan ölümü ilə əlaqələndirir. Belə ki, lollipop nəfəs borusuna düşdüyü zaman qaytarılması qeyri-mümkündür və çox zaman ölümlə sonlanır. Lakin vətəndaşlar qadağaya əsas səbəbin başqa olduğuna inanır. Həmçinin, Vaşinqtonda ailəsi varlı olan insanlarla zarafat etmək də ciddi qadağalar arasındadır.(Atv.az)