Qəhrəman bir ana körpəsini aslanın pəncəsindən xilas edib. "SizinYol” xəbər verir ki, azyaşlı körpə parkda gəzdiyi zaman anidən aslan ona hücum edib. Körpənin anası həmin saniyə aslana doğru qaçaraq, körpəsini yırtıcı heyvanın pəncəsindən ala bilib. Bəzi KİV bu məkanın uşaqların əylənməsi üçün hazırlanmış bir park olduğunu bildirib. Onlar təəccüblə aslanın bu parka necə gəldiyi sualını ünvanlayıblar. Amma uyğun görüntüləri diqqətlə izlədikdə aslanın sərbəst deyil, dəmirlərə bağlanıldığını görmək olur.
Dolayısı ilə bu hadisənin uşaqlar üçün əyləncə parkında deyil, zooparkda baş verdiyi daha məntiqli görünür. Ola bilsin ki, parkda heyvanlarla insanlar arasında mühafizə hasarları yetəri qədər olmadığından bu hadisə baş verib.