Türkiyədə son 100 gündə PKK terrorçularının hücumu nəticəsində 155 hüquq mühafizə orqanı əməkdaşı şəhid olub.

Dünyasını dəyişən 78 nəfər ailəli olub. Onların da 120 uşağı yetim qalıb. Eyni zamanda 6 nəfərin ölümündən sonra övladı dünyaya gəlib.

Təkcə Türkiyənin cənub-şərq hissəsində və İstanbulda terrorçuların hücumu nəticəsində 89 əsgər, 63 polis və 3 mühafizəçi şəhid olub. Ən çox şəhid verən bölgə isə Hakkaridir.

Yaş sıralamasına gəlincə isə: 20-30 yaş arası 100, 30-40 yaş arası 34 , 40-54 yaş arası isə 21 şəhid var. Hücumlar nəticəsində ölənlərdən 6-sı tabor komandiri və polis rəisidir.(azvision.az)