Rusiya təyyarəsinin qəzaya uğradığı yerdə işləyən Misir axtarış-xilasetmə briqadasının üzvləri dağıntılar altından insan səsi eşitdiklərini deyiblər.
Bu barədə "Reuters” məlumat yayıb. Bildirilir ki, hazırda xilasedicilər təyyarənin sərnişinlər olan bölməsinə daxil olmağa çalışırlar. Oradan kiminsə sağ çıxacağına ümid var.
Yerli təhlükəsizlik xidməti əməkdaşlarının yaydığı məlumata görə, qəza zamanı təyyarə iki yerə parçalanıb. Artıq dağıntılar arasından 5 uşağın meyiti çıxarılıb.(APA)
