Rusiya Müdafiə Nazirliyi Suriyaya zenit-raket kompleksləri göndərdiyini təsdiq edib.

Hava-kosmik qüvvələrinin baş komandanı Viktor Bondaryev bildirib ki, bu addım əks zərbə və rus təyyarələrinin qaçırılamasının qarşısını almaq üçün atılıb. 

"Biz ora təkcə qırıcılar, bombardmançılar, vertolyotlar göndərməmişik, həmçinin zenit qurğuları qoymuşuq. Çünki müxtəlif fors-major hadisələr baş verə bilər. Deyək ki, düşmən təyyarəsinin zərbəsi yaxud təyyarənin qaçırılması halı” - deyə Bondaryev bildirib.

Dünən ABŞ Dövlət Departamentinin nümayəndəsi Viktoriya Nuland bəyan etmişdi ki, Rusiya Homs və Hama şəhərləri yaxınlığında ağır artilleriya yerləşdirib. O, bunun Rusiyanın Suriyanın quru hücumlarına dəstək verməsi kimi xarakterizə etmişdi. (Avropa.info)