Bu günlərdə sosial şəbəkələrdə Türkiyədə yaşayan yəhudi əsilli Adnan Oktarın növbəti qalmaqallı videosu yayılıb. Sahibi olduğu A9 televiziyasında təqdim olunan görüntülərdə bir erməni ilə söhbətində vaxtilə türklərin ermənilərlə dost-qardaş olduqlarını, sonradan azərbaycanlıların araya girib bu mehribanlığa son qoymalarını söyləyib. İzmir Azerbaycan Kültür ve Dayanışma Derneyinin başkanı Mülazim Kardelen Paşa bu fikirlərə biganə qalmayıb.
O, xeberle.com-a açıqlmasında deyilənləri inkar edərək ermənilərlə qardaş olan Adnan Oktarın dediklərinin bütün Azərbaycan Türk qardaşlarımızı dərindən məyus etdiyini deyib.
''Adnan Oktarın erməni soydaşı etdiyi söhbətlər, bildirdiyi fikirləri biz Azərbaycan Türk əsilli soydaşları dərindən üzüb və yaralayıb. Bəli, Osmanlı imperiyası nankor ermənilərə gözəl şərtlər altında birgəyaşayış təmin etmiş, hətta parlamentdə millət vəkili seçilmələrinə də şərait yaratmışdır. Habelə onlara Daxili işlər nazirliyində də məsul vəzifələr etibar etmişdi. Bəs ermənilər nə etdi?! PKK kimi onlara bəslənilən xoş niyyətdən, gözəl münasibətdən sui istifadə edərək dövlətimizi arxadan vurdular.
Adnan Oktar kimisi də Türkiyədə yaşayaraq şər qüvvələrə qardaş deyir. Erməni vətəndaşı ola bilərsən, problem deyil. Amma bil ki, erməni PKK ilə ittifaq halındadır. Minlərlə şəhidin baiskarı olandan və ölkəyə ciddi iqtisadi zərbə vurandan qardaş olmaz. Bunu belə də bilin, Adnan Oktar. Ermənilərin Türkiyəyə zərərindən başqa hansısa faydası ola bilməz. Dediyin şeytan və bəzi oyunlar məsələləri ilə bağlı, biləsən ki, Azərbaycan Türk qardaşlarımıza qara yaxdın, təəssüflər olsun ki. Azərbaycan xalqı hər zaman Türkiyənin yanında olub.
Bəzi faktları bir daha xatırlamaq istərdim:
1. Azərbaycan Türk qardaşlarımızın istəyi ilə Bakı-Tbilisi-Ceyhan neft kəməri Türkiyədən keçir.
2. Bakı-Tbilisi-Ərzurum qaz kəməri Türkiyədən keçir.
3. Bakı-Tbilisi-Qars dəmir yol xətti Türkiyədən dünyaya açılır.
4. TANAP layihəsi də bəzi buna qarşı olan ölkələrlə münasibətlərin pozulması risqinə rəğmən Türkiyə ilə həyata keçirildi. Bununla da Türkiyə böyük enerji dəhlizi əldə etmiş oldu.
5. Aliağada olan azərbaycanlı qardaşlarımızın şirkətində (SOCAR) 10 mindən çox Türk vətəndaşı çalışır. Və sair və ilaxır.
Bu siyahını uzatmaq da olar. Amma buna qədər bilməyənlər indi bilsinlər ki, Azərbaycanlılar Türkiyəlilərin can qardaşıdır.
Güman ki, bu materialı Azərbaycan Türkiyə xalqlarının qardaşlığına zərbə vurmaq istəyən qüvvələr bir daha sosial şəbəkələrdə paylaşmaq qərarına gəlib.
Xəbərdən istifadə edərkən istinad etmək vacibdir.
