Türkiyə Prezidenti Rəcəb Tayyib Ərdoğanın "Qəndil vuruldu, 35 PKK lideri məhv edildi” açıqlaması sözügedən terror qruplaşmasının daxilində xaos yaradıb.
Xeberle.com Axar.az-a istinadən xəbər verir ki, Türkiyənin kəşfiyyat orqanları terrorçularla qruplaşma rəhbərliyi arasındakı sərt danışıqları qeydə alıb. Məlumata görə, PKK-çıların rəhbərliyə "vurulan kimdir” sualını ünvanlaması qruplaşma rəhbərliyinin kəskin reaksiyasına səbəb olub.
PKK terrorçularının Qəndil rəhbərliyi ilə rabitə danışığını təqdim edirik:
Roj (Qəndilin əsas rabitə kodu): "Davam elə, Agit, sözün var? Nə üçün bu kanaldasan?”
Agit: "Anlaşıldı, Roj. RTE-nin (Rəcəb Tayyib Ərdoğan) düşmən nəşrləri (Türkiyə mətbuatı) müdafiə sahəsində (Qəndil) qanadların (qırıcı) toplantını hədəf aldığını və 35 sədrin vurulduğunu yazır. Doğrudurmu?”
Roj: "Agit, niyə soruşursan? Bu marağa səbəb nədir?”
Agit: "Roj, dostlar olaraq maraqlanırıq. Sən niyə əsəbiləşirsən?”
Ez Velat: "Mən də maraqlanıram”.
Ez Diyar Garzan: "Kimin öldüyünü soruşmaq cinayətdir?”
Ez Beste Agiri: "Roj, kefin pozuldusa, Camal sədrin (Murad Qarailan) suyundan iç”.
Roj: "Bu etdiklərinizlə düşmənə xidmət edirsiniz”.
Ez Kobani Zinar: "Düşmən olmasalar, bunu soruşmazlar”.
Ez Herekol Rojhat: "Sən şərəfsizlik eləmə, yaltaq”.
Agit: "Söyləyin, siz kimin itisiniz? Camal (Murad Qarailan), Cümə (Cəmil Bayık), yoxsa Abbasın (Duran Qalxan)?”
Roj: "Danışıqlarınızı diqqətlə dinləyirəm. Hamınız bunun hesabını verəcəksiniz”.
Agit: "Sizə də, hesabınıza da... Cavab verməyə cürətiniz çatmadı. Təhdid edirsən?”
Kobani Zinar: "İnsanın başına maraqdan nə gələr?” (gülüş səsləri)
Agit: "Tezliklə o yaltaqlıq etdiklərinin başına gələnlər ortaya çıxanda mənə gülməzsən, şərəfsiz”.
Xatırladaq ki, Türkiyə mətbuatı Qəndildə öldürülən PKK liderləri arasında Cəmil Bayıkın da olduğunu yazmışdı.

Xəbərdən istifadə edərkən istinad etmək vacibdir.