Yaponiyanın qərbində yerləşən kənd təsərrüfatı sahələrinə daşqınlar nəticəsində dəyən zərər hesablanıb.

Xeberle.com Avropa.info-ya istinadla xəbər verir ki, təbii fəlakət nəticəsində dəyən ümumi zərərin təqribən 206 milyon dollar olduğu bildirilir.Bu rəqəmin artacağı gözlənilir.

Regiondakı kənd, meşə və balıqçılıq təsərrüfatları leysan yağışları nəticəsində yaranan güclü daşqınlardan və torpaq sürüşmələrindən böyük zərər çəkib. Yaponiya Kənd Təsərrüfatı Nazirliyinin nümayəndələrinin bildirdiyinə görə, iyunun sonu iyulun əvvəllərində yağan güclü yağışlar onlarla prefekturada geniş əraziləri əhatə edib. Nəticədə baş verən torpaq sürüşmələri öz yolunda ağacları və meşə yollarını məhv edərək, ümumilikdə 130 milyon dollardan çox zərər vurub.
Kənd təsərrüfatı obyektlərinə, o cümlədən məhsullara dəyən zərərin ümumi məbləği isə təqribən 66 milyon dollar təşkil edib.