Hindistanda universitetdə təhlükəsizlik təlimi zamanı faciə baş verib.  Belə ki, universitet binasından aşağı atılan qız ölüb.
Xeberle.com xarici mediaya istinadən məlumat verir ki, ölkənin cənubunda Tamil Nadu əyalətində Milli Fövqəladə Vəziyyət İdarəetmə Orqanı apardığı təlim zamanı təlimçi 19 yaşlı universitet tələbəsi olan qızı yoldaşlarının tutduğu təhlükəsizlik şəbəkəsinə keçməsi üçün itələyib.
Polis N. Logeshvarinin binadan aşağı düşərkən başının 1-ci mərtəbənin çıxıntısına dəyərək, ağır yaralandığını və çatdırıldığı xəstəxanada həyatını itirdiyini bildirib.
Qeyd edək ki, qızı aşağı itələyən təlimçi saxlanılıb. Universitet rəhbərliyi hadisə ilə bağlı araşdırma başladıb.