Almaniyada bir canavarı silahla öldürüb, qarnına beton  bağlayaraq gölə atıblar. 

Heyvanların mühafizəsi təşkilatları qatilin tapılması üçün 10 min avro mükafat verəcəyini açıqlayıb.

Qeyd edək ki, heyvanı iyulun 10-da Almaniyanın Canavarları Mühafizə Dərnəyinin əməkdaşları Bautzen şəhərinin yaxınlığındakı göldən tapıb.

Xeberle.com xarici mediaya istinadən xəbər verir ki, hadisədən sonra Berlindəki Təbii Həyatın Müdafiəsi İnstitutunda araşdırma aparılıb. Araşdırma nəticəsində müəyyən olunub ki, 1 yaşındakı canavar öncə ürəyindən vurularaq öldürülüb. Daha sonra onun qarnına iplə beton bağlanaraq gölə atıldığı sübut olunub.
Canavarları Mühafizə Dərnəyinin prezidenti Bricit Sommer açıqlamasında bildirib ki, bu hadisə canavarlaırn əslində insan olduğunu bir daha sübut edir. Sommer təyin olunan pul mükafatının hər hansı bir bilgiyə sahib olan şəxsin "dilini açacağına” ümid etdiyini də deyib. 
Xatırladaq ki, canavarlar həm Avropa Birliyi, həm də Almaniya qanunları ilə qorunur, öldürülmələri cinayət hesab olunur. Saksonya Dövlət Cəza Dairəsi məsələ ilə bağlı istintaq araşdırması başladıb.