İsrail KİV-i Suriya Hərbi Hava Qüvvələrinə məxsus "Suxoy” Su-22 hərbi təyyarəsini vuran hərbçinin adını açıqlayıb.
Xeberle.com Publika.az-a istinadla xəbər verir ki, "The Yerusalem Post” nəşrinin yazdığına görə, bu, Or Naaman adlı qadın kapitandır.
Təyyarəni vuran "Patriot” hava hücumundan müdafiə sisteminin Or Naamanın başçılıq etdiyi 138-ci alaya aid olduğu bildirilir.
Qeyd edək ki, iyulun 24-də İsrail ordusu Suriya təyyarəsinin məhv edildiyini açıqlayıb.
İsrail ordusu Suriya hərbi təyyarəsinin hava sərhədlərini pozduğuna görə vurulduğunu bəyan edib. Məlumata görə, təyyarə İsrailin hava məkanını pozaraq, ölkənin daxilinə doğru 2 kilometr irəliləyib. Təyyarə"Patriot” sistemindən buraxılan 2 raketlə vurulub.
Suriya dövlət KİV-ləri isə təyyarənin Suriya hava məkanında – ölkənin cənubunda reyd apararkən vurulduğunu bəyan edib. Üstəlik, təyyarənin vurulan zaman İŞİD mövqelərinə zərbələr endirdiyi vurğulanıb.