İŞİD terror qruplaşması Suriyanın cənubundakı Es-Suveyd vilayətində törədilən silsilə terror aktlarına görə məsuliyyəti üzərinə götürüb.
Xeberle.com bildirir ki,bu barədə "Agency France Presse" məlumat yayıb.
Qeyd edək ki, dünən paytaxt Dəməşqdən 92 kilometr məsafədə yerləşən Es-Suveyd vilayətinin eyniadlı inzibati mərkəzi olan Es-Suveyd şəhərinin Suk-əl-Hodra meyvə bazarında güclü partlayış törədilib. Partlayış zamanı onlarla insan ölüb və xəsarət alıb.
Bundan sonra El-Musalleh rayonunda da partlayış törədilməsi barədə məlumat daxil olub.
Ölənlərin sayı barədə rəsmi məlumat yoxdur. Lakin bununla belə, bir sıra agentliklər terror aktları zamanı həlak olanların sayının 200 nəfəri ötdüyünü xəbər veriblər.